ما هو التباين في الصورة او الكونتراست او Contrast
السلام عليكم ورحمة الله وبركاته
خلال عرض الصور في المنتديات ومواقع
التواصل الاجتماعي، كثير من المصورين بينتقدو بعض الصور ببعض المصطلحات (
الصورة تحتاج حدة، الصورة تحتاج كونتراست، الصورة متميزة بالشاربنس،
أعجبني في الصورة الريفلكشن، فورقراوند مميز للصورة … الخ
كلام كثير ومصطلحات ممكن تكون غير مفهومة أو جديدة.
ومن هذه المصطلحات ( الكونتراست – التباين – Contrast )
في موضوع اليوم بنتكلم عن التباين ومفهومه في التصوير
بس قبل الكلام عن التباين في حاجة عايز اتكلم عليها مهمة جدا للمصورين
ناس كتير كلمتني بتقولي الصورة عندها علي الكمبيوتر جميلة جدا وبعد التعديل بتكون اجمل
لاكن بعد ما تنزلها علي الانترنت في ناس بتقول الالوان مش مظبوطة و ناس بتقول التباين مش مظبوط و الاضاءة ..... الخ !!
يا تري ايه السبب في الموضوع دا
طبعا كل واحد مننا عنده شاشة مختلفة عن الشخص الاخر و بالتالي في تفاوت رهيب في درجات الالوان و الاضاءة لذالك كل واحد بيشوف الصورة حسب الشاشة بتاعته
طيب وايه الحل وانا هعرف من فين ان شاشتي بتطلع الصورة مظبوطة
الحل هو انك تعتمد علي اللي بيطلع في الطباعة مش اللي بيظهر عند الناس علي الشاشة
طيب السؤال من واحد عايز يطلع شغل مظبوط تماماً بحيث يكون فيه مصداقية في الالوان بتاعته
بعد بحث طال معايا اكثر من 3 شهور في هذا الموضوع وجدت الاتي
افضل شاشتين علي الاطلاق في الالوان وتحاكي الالوان للأدوبي بنسبة 99%
هي شاشة ابل سينما ديسبلاي او شاشة ايزو EIZO
ولاكن للأسف الاثنين اسعارهم خرافية
ولاكن للأسف الاثنين اسعارهم خرافية
طيب ايه الحل
يوجد شاشات اخري تدعم الالوان بطريقة جيدة جدا وهي شاشات نظام الاضاءة فيها يسمي IPS
حتي الان هي الافضل وان كانت اسعارها مرتفعة ولاكن مش بقدر الشاشتين السابق ذكرهما
حتي الان هي الافضل وان كانت اسعارها مرتفعة ولاكن مش بقدر الشاشتين السابق ذكرهما
التباين – Contrast
ممكن نعرف التباين بأنه هو الاختلاف في التدرج بين القيم الموجودة في الصورة.
أو نقدر نعرف بأن التباين في التصوير هو الاختلاف بين المواضيع.
في الصورة أعلاه ٤ صور ، بتدرجات الأبيض والأسود
الصورة الأولى التدرج كبيــــر من الأسود للأبيض
( الصورة من الأسفل سودااااء بعدين تصبح رمااااادي غااامق ، بعدين رماادي غامق ، بعدين رمادي غامق بعدين رمادي
بعدها رمادي فاتح ثم أفتح ثم أفتح ثم أفتح .. الخ)
الصورة الثانية التدرج اصبح أقل ( وهنا نقدر نقول التباين زاد)
الصورة رقم ثلاثة التدرج اصبح أقل ( وبكدا نقدر نقول التباين بقي أكثر)
الصورة رقم أربعة كأن مافيش إلا أسود وأبيض ( وهنا ممكن نقول ان التباين عالي جدا في الصورة)
التباين في الصورة يختلف عن الدقة ويختلف عن الحدة.
زيادة التباين أو تقليلها يعتمد على المشهد.
في الغالب، التباين يفضل أن يكون بشكل متوسط ( لا عاالي ولا منخفض ) ويكون أكثر راحة للمشاهد
في الصورة الأولى التباين جداً ضعيف و دا واضح ان حتى اللون الأسود بانت فيه تدرجات كثيرة
الصورة الثانية التباين معقول ومناسب
الصورة الثالثة التباين عالي جداً ( الصورة ما فيها الا درجتين من اللون تقريباً) أسود وأبيض
الأمثلة اللي ذكرناها فوق كلها لصور فيها تباين ، بس كلها أبيض وأسود.
هل معنى الكلام دا ان التباين لازم يكون في صور الأبيض والأسود فقط ؟
طبعاً لا.
التباين ممكن يكون في أي درجة لونية
(الرمادي مثلاً في الأمثلة السابقة) أو أي درجة لونية أخرى (تدرجات الأحمر –
تدرجات الأخضر ..الخ)
مش بس كدا. ممكن يكون التباين بين الألوان (مثلاً الون الأحمر قريب من البرتقالي لكن يختلف بشكل كبير عن الأزرق)
التباين ممكن يكون في الألوان وممكن يكون أيضاً في الأجسام
الأجسام ممكن يكون بينها اختلاف أيضاً وهذا يعتبر نوع من أنواع التباين.
إذا كانت عندي مجموعة أجسام دائرية وجسم مثلث. فهنا يسمى تباين.
أو مجموعة خطوط مستقيمة ، وخط متعرج .. فهنا يسمى تباين
أو جسم قديم وجسم حديث، فهذا أيضاً تباين
التباين في الأساس من التصوير، ولكن بالإمكان زيادة/تقليل درجة التباين عن طريق الفوتوشوب أو أي برنامج معالجة آخر.
ويدخل تعديل التباين في التصوير من ضمن التعديلات الأساسية – Basic Editing
مثل أغلب الاختيارات في الكاميرا يوجد رمز أو أيقونة موحدة بين أغلب صناع الكاميرات وبرامج معالجة الصور.
يرمز للتباين دائماً بهذه الأيقونة
ويتضح لنا من شكل الصورة انها تعني التباين والفرق بين اللونين الأبيض والأسود
نتمنى انكم وجدتم الفائدة في موضوع اليوم
كل الشكر والتقدير لكم على دعمكم ومتابعتكم