عزيزي العريس ..... عزيزتي
العروسة 
لو أخدتم قرار بالتصوير الخارجي .... يبقي نركز في الكلمتين دول
هتلتزم بميعاد التصوير هتكون الخلفية
بتاعتكم حلوة و جميلة زي كدا 
هتتأخرو عن
ميعاد التصوير .... هتكون النتيجة كدا 
دي القاعدة رقم واحد واللي لازم تفهموها كويس جدا جدا ميعاد التصوير المُتفق عليه مع المصور هو أهم ميعاد في حياتكم و ذكراياتكم
خصوصاً لو مش حاجزين في مكان فيه إضاءة, ولو التصوير هيكون في مكان عام فـ خلي بالكم أن 99% من إنارة المكان مش شغالة اصلاً .
و معدات
الإضاءة اللي مع المصور دي علشان ينور بيها حضراتكو 
وتطلعو منورين كدا و حلوين
حتي لو هتتصور الصبح برضو هتلاقي المصور بيستخدم الإضاءة علشان خاطر يظبط إضاءة حضراتكم ..... يبقي نفهم من كدا ايه !
إن الاضاءة دي مش للخلفية خااااالص
أي أشجار في المكان بالليل بتطلع اشباح سودة جمال المكان كله هيضيع, بسبب بسيط خالص إن حضراتكم ملتزمتوش بميعاد التصوير المُتفق عليه مع المصور.
نقطة رقم 2 مهمة أوي دي و نركز فيها
برضو جامد جداً
لو في حد هيجي معاكم لوكيشن التصوير يبقي أصدقاء العروسة اللي لابسين فستان بشكل موحد و أصدقاء العريس اللي لابسين بدلة برضو بشكل موحد ( و ياريت تكون أي لون تاني مختلف عن لون بدلة العريس )
و دا علشان نستفاد منهم و نقدر نطلع صور جميلة جدا و متناسقة
طب لو الكلام دا مش موجود !
نكتفي بـ بنت من أصدقاء العروسة أو الأقارب بالكتير بنتين ( و يكونو بيحبو العروسة بجد و جايين علشان يساعدوها في الحركة و ضبط الفستان مش جاين علشان يتصورو سلفي مع العروسة )
محدش يهمه صوركم تطلع حلوة غير إنتو الأتنين و المصور فقط لاغير
كل اللي هيجي
معاكم هيبقي كل همه يتصور معاكم و السيشن يخلص بسرعة علشان يلحق يروح القاعة ياكل
حتة الجاتوه 
وطبعاً كل دا بيضيع من وقتكم في التصوير بخلاف ان بيحصل توتر جامد جدا ليكم تخيلو بتتصورو وفي 50 متفرج بيتفرج عليكم.
دا لو ربنا ستر و عدت علي خير علشان المصور صور أهل العريس اكتر من العروسة أو العكس .... وأصلا المصور لا يعرف دول ولا دول وبيبقي مخنوق و علي آخره و نفسه يخلص ويمشي .
مش من مصلحتكم حد يتكلم كلمة سخيفة عليكم أو علي شكلكم ويفسد عليكم فرحتكم
مش من مصلحتكم حد يقول كلمة سخيفة للمصور ويبقي شغال من غير نفس
دمتم
فرحانين و مبسوطين 