لو أنت لسه متعرفش، فخليني أقولك بناءً على طريقة تفكيرك، الخبر اللي جاي ده يا إما هيبهرك، يا إما لو أنت مصدق ف مؤامرة الشعاع الأزرق الماسونية، هيرعبك فوق الوصف..
الخبر ده يا سيدي هو إن من ييجي شهر كده، في مجموعة باحثين في جامعة (بريجهام يونج Brigham Young) الأمريكية قدروا يوصلوا لتكنولوجيا بتخليهم يخلقوا صور هولوجرام ضوئية مجسمة في الهوا، شكلها زي الحقيقي، باستعمال مجسات صغيرة من الليزر!!
مجموعة الباحثين دول إسمهم (مجموعة أبحاث التصوير المجسم)، واللي عملوه بالضبط عشان يوصلوا للتقنية دي هو إنهم الأول صمموا ابتكار فازوا عليه بجوايز وكان قالب الدنيا من 3 سنين، اسمه (المصيدة البصرية Optical Trap Displays).. الإبتكار ده كانوا من خلاله بيقدروا يعزلوا جسيم ذري واحد في الهواء ويعلقوه ف مكانه باستعمال شعاع ليزر.. وبعدين بيحركوا الجسيم ده باستعمال شعاع الليزر، فبيكون شكله كإنه بيطير في الجو ببطء وهو سايب وراه مسار منور بأضواء نيون كده.. كإنه طابعة ضوئية ثلاثية الأبعاد!! هتشوف شكله في الصور تحت
بس الجديد بقى اللي هما شغالين عليه دلوقتي، وفعلًا بدأوا يحققوا فيه نجاحات هتغير شكل العالم قريب، هو إنهم بتمويل من (مؤسسة العلوم الوطنية الأميركيةU.S. National Science Foundation) قدروا يوصلوا لتقنية بتخليهم يعملوا رسوم حية ومتحركة في الفضاء باستعمال أشعة الضوء.. والرسوم الهولوجرامية الافتراضية دي هتقدر تتفاعل مع الناس بشكل فيزيائي مباشر كإنهم حقيقيين بالضبط، من غير تفرقة!!
يعني مثلًا قدروا يصمموا كائن صغير كده بالليزر عامل زي ال Stick Man، وخلوه يتمشى ويتنطط فوق صباع واحد من الباحثين هتشوف شكله في صورة تحت هنا
يعني مثلًا قدروا يصمموا كائن صغير كده بالليزر عامل زي ال Stick Man، وخلوه يتمشى ويتنطط فوق صباع واحد من الباحثين هتشوف شكله في صورة تحت هنا
وده لسه في مرحلة البداية.. يعني ممكن قريب أوي نقدر نكلم حبايبنا مكالمة هولوجرامية، مش مجرد فيديو كول!!.. ممكن تلاقي نفسك كمان سنة ولا اتنين بقيت تقدر تشوف شكلك صاحبك بالحجم الكامل واقف قدامك وانت بتتصل بيه.. وتمد ايدك تسلم عليه كمان!!
شفت أفلام الخيال العلمي اللي زي Star Wars و Star Trek كده؟!.. نفس الموضوع بالضبط.. حاجة مبهرة فعلًا، وممكن تشوف بنفسك الصور تحت جايبهالك من فيديو بيقدموا فيه بنفسهم التقنية دي على يوتيوب، هتلاقي اللينك بتاعه هنا أهو:
أنا قرأت كتير عن النظرية دي والحقيقة هي تنفع فكرة رواية أو فيلم ممتاز، ومُلهِمة جدًا.. لكن بالنسبة لمدى صحتها أو قابليتها للحدوث، فأنا معنديش فكرة.. وإن كنت أتوقع إنها احتمالية ضعيفة للغاية..
بس طبعًا كل واحد وطريقة تفكيره اللي تخليه يصدق حاجات ويكذب حاجات تانية.. أنا هنا وظيفتي إني أوريك اللي بيحصل حواليك في العالم، والتقنيات المبهرة اللي هتشوف النور قريب، والمعاني المحتملة اللي ممكن تحصل من وراها.. التفكير في اللي جاي وتحليله ده مهمتك أنت..
ولو الموضوع عجبك، متنساش تعمل شير ومنشن لصحابك وحبايبك المهتمين بالأمور دي عشان يقرأوا معاك ويسيبولي رأيهم مع رأيك في الكومنتات
الشير بيعبر عن دعمك، وكمان بيساعد في نشر المجهود الكبير اللي ببذله في كتابة المقالات دي، وبيوصله لناس أكتر، ف متبخلش به لو شايف الجهد يستحق
الكاتب :: محمد علام